منتدى متخصص في حساب الكميات ومنتديات هندسيه وثقافيه متنوعه

الاقصى في قلوبنا------لا لتهويد الاقصى-------القدس عربيه---- القدس عاصمة فلسطين---حق العوده حق مقدس ---
منتدى الكميات الهندسي يرحب بكم- اهلا وسهلا بكم في منتداكم ----

    من حكم ونصائح الشعر النبطي

    شاطر

    احمد الطوايعة

    عدد المساهمات : 5
    تاريخ التسجيل : 30/01/2013

    من حكم ونصائح الشعر النبطي

    مُساهمة من طرف احمد الطوايعة في الثلاثاء فبراير 05, 2013 7:42 am


    من زمرة الطاغوت حذراك حذراك
    لا تبتلي بجروح يصعب دواها




    وإلى مشيت اعرف دروبك وممشاك
    احرص على نفسك وخالف هواها




    أمارة بالسوء ما هي بتنهاك
    اقبض عليها لين يجلى صداها




    اقطع نواياها بدينك وتقواك
    هلّل وعند الله سريعٍ شفاها




    والعين لا تنظر بها من تعدّاك
    المحصنه لو تلتفت لك وراها




    اصبر على همّك وغمّك وبلواك
    عف وتعفف لا يغرك حلاها




    واترك حرام القوت ما هو بيملاك
    كل البطون الجايعه ما ملاها




    رشفة حلال اتسد جوعك ومضماك
    تسوى مشاريب الحرام وغثاها




    النار في جوفك وتصلى حناياك
    نار الجحيم تزيد للي وطاها




    واحفظ لسانك لا يجرك ويبلاك
    لو غلا مشتراها اخذ الثمينه




    الهرج ميزانك ويكشف خفاياك
    كلمة تعيبك لا تبيّن نباها




    صون الكلام وصون نفسك ومبداك
    للنفس حشمة لا تفصّم عراها




    اصمت مدامك عارفٍ سير مجراك
    لا تنقل النّمة وتبحث خفاها




    يزول قدرك عند أقرب دناياك
    لو هو ولدعمّك حياتك جفاها




    واحلم تراه الحلم يرفع مزاياك
    هو سيّد الأخلاق هو مبتداها




    وصّى به المبعوث ما هو بيخفاك
    شفعينا يوم الملاقاة طه




    خل الجهل لاتجعل الغيظ ياطاك
    ترى الجهل سم القلوب وعماها




    وإلى ابتليت ارفع إلى الله شكواك
    لا بدّها الأيام تكشف غطاها




    اصبر يزين الحظ ويزين مرماك
    الله يفرجها ويدفع بلاها




    لا تمنع المحروم لا من تنصّاك
    الناس لأجل الناس وأحسن عطاها




    ابذل لوجه الله والله يجزاك
    مثل الغروس اتطيب للي سقاها




    لا ضاع معروفك ولا ضاع حسناك
    إن كانها لله تلقى جزاها




    جارك ولو هو جار تسقيه منماك
    عليه لا ترفع يدينك عصاها




    أحسن جوار الجار لو كان يشناك
    ترى العرب تحشم كلاب اقصراها




    بكره يشد ويكتب الله فرقاك
    عساه يذكر جيرتك مانساها




    الظلم شين ويجعل النار مثواك
    راع الظليمه عيشته ما هناها



    إله العرش فوقك عالم نواياك
    ينظر قلوب الناس وش محتواها




    يسمع بما تجهر وعارف خفاياك
    بأمره شروق الشمس ترسل ضياها




    هو عالمٍ غيبك وركّب خلاياك
    هو خالق فيك العروق ورواها




    والضيف له حقٍ إلى حل بحماك
    قلّط ضيوف الله وأكرم لحاها




    لا تحقر الضيفان واتشح بغذاك
    من ما عطاك الله قلّط عشاها




    وعليك باللي حزة الضيق يفداك
    لا شانت الدنيا ودارت رحاها




    لا من زهمته لو على الموت لباك
    عيني لجل عينك وروحي فداها




    ترى الخوي نبراس روحك وملْجاك
    لا كلّحت بقعا وزادت غثاها




    حذراك من بعض المخاليق حذراك
    بعض العرب ما تفرقه من نساها




    تايه وضايع بين ذولا .. وذولاك
    فيه الجهالة واصلٍ منتهاها

      الوقت/التاريخ الآن هو الخميس أكتوبر 18, 2018 3:43 am